بريتك ذمتي وما ابرة منك يوم
واذا تبريني انت اني ما ابرة
يا صبر البدية ينازع من الموت
وكل عاشك مشى جناز في صبرة
عاشك يا كلب سيف العشك جذاب
يل كلك وفة ما تحتمل غدرة
يا كلبي العشك وياك يعني هواي
الك شارة بهواك وكبتك خضرة
يا عاشك قصيدة وحاضن كلمات
خاف تطوف بيك وتوكع الحضرة
يل عشكك حلم والحلم ما ينباس
يا واحة غراك لليحب خطرة
يل كلك بحر بيك النوارس سور
ابد نورس غرامك ما ترك بحرة
لا تحجي بغرامك لا تفيض جروح
لان شمس الخيانة خنقت الكمرة
بسك يا كلب لا تحجي باللي صار
كف حزنك بديك وتصبر بذكرة
يا كلبي شجاك اليوم فاض الشوك
بعد دفتر احزانك ما يضم حبرة
واظن كل جروح اليوم هاجت بيك
من شفت الورد يتخلى عن عطرة
لانك ما شفت فاس الغدر بهواك
من غاضة الشموح وطيحت الشجرة
تصبر يا كلب وخلي اليلوم يلوم
وخلي الصار صار تفيدك العبرة
اطوي سنين حزنك لا ترد كل يوم
تفتحلك جرح وتعاني من كبرة
نهينة سنين حبك لا ترد اردود
بعد ما ضل عشك اياتنة تكفرة
الأربعاء مارس 18, 2009 10:01 am