دارمــــــيــات

أسأل عليك الروح مدري اشتگلي ......مدري انتة نص الروح مدري انتة كلي

لتصدك المحبوب فد يوم اعوفة ... لو غاب عن العين بالجات اشوفه

ولكعبه ما أنســـاك للموت أهم بيك ... لو بيدي أفك أحشـــاي وبنصهــا أخليك

كافي ياروحي الم كافي ياگلبي جراح ... اذاني جرح الندم من ولفي عني راح

اسود علا اسود ليش والجنطة سودة ..... حزنانة عالمرحوم لو هاي مودة

قلبي يتوهج نار من اسمع اسمك ...... وتصب دمع هل عين كون آنة يمك

أتمنى كون ايصير لحدي أويا لحدك ....... ومن يطلع الدفان أكعد وأكعدك

صدك حبيب الروح مشتاق أضمك ... صح أمشي بين الناس بس روحي يمك

بطلت اهم بالروح ظليت اهم بيك ... صار السياج بلوك لك منين احاجيك

الدنيا بيها اطباع اتوازي العزاز ........... اتخلي طيب الذات للدوني يعتاز

هم دهر هم دولاب هم قسمة سودة .... حظ يمشي بالمكلوب واعمة اليكودة

قلبي التولع بيك انغلق بابه ................. وغيم عليه الضيم مثل السحابه

لعيونك الحلوات بس اكتب اشعار...... حتى الكمر بليل من عدهن يغار

تريله ألك بوسات تحملها العيون ...... حضر عشر عمال بس للينزلون

يا عمي والعباس حلوة الليالي ... والاحله من كل هاي انته اعله بالي

اشما اسمع من الناس عنك فلا حيد ... ويوم الاعوفك بي كلش ترة بعيد

يا عمي والعباس حلوة الليالي ... والاحله من كل هاي انته اعله بالي

من عمت عينة الكال مو مخلص وياك مثل الشمع بلنار كلبي علفركاك

اتمنة روحي تطير طير الحمامات .....وتمر على الغالين تنقل سلامات

اسهر وعوف النوم وصبحلك عيون..... يلبلگلب موجود نسيانك شلون

اشحدهه الليالي السود تبعدني عنك ... هذا اني وتحداك تنساني فنك

مل مني حتى الليل والكمر شاهد ... بس بيك افكر دوم للفجر كاعد

ما دام قلبي يدك تبقى الك دكته ........لوبيه اخر نفس اتنفسه انته