السلام عليكم
يوميه الصبح اسمع خبر مو زين
ويوميه العصر اسمــــــــع فجيعه
عراق وكلك اســـود حتى الاخبار
الابيض بيك بس وجــــه المذيعه
**********************
راح اسويلي حزب واصعد عليه
كلها صعدت كلها هيج ســــــوايه
وانه بايه البايه اريد اصعد غشيم
ثاري عدنه احنا الدرج بس بــايه
مو مهم شراح اسوي شراح اصير
شراح احصل هيا هاي الغــــــايه
مركز الترشيح سويتو ضـــــريح
ولنتخابك راحت المشــــــــــــايه
تالي ردينا الرؤس على الــرماح
وانته يم بيتك تدوس الـــــــــرايه
الراعي خله يراعي قولك يارسول
صرنا بحلوك الذياب حجـــــــايه
المنتخب ما منتخب بس سوه شي
وانتو مجلس منتخب لغّــــــــــايه
شرايك نخلي الوطن نادي يصير
ماكو عدنا اسهل ابد من هــــايه
العلم شبجه ويونس نخلي رايس
والنشيد يصير يا عــــــــــــلايه
شر بليتنا الدمع يضحــــك عليه
واحنا عدنا الفاجعه بكــــل ثايه
نقره بس البسمله عاللي يموت
ما نلحك عدنه موته هـــــــوايه
انته مثل الباني مسجد للصلاة
بس فرشت العتبه بمصـــــلايه
اين حقي اين من يبعــــث علي
اين من جاره يشـــــوف ويايه
هسه شال ايده بعد صير انته ايد
خل اشوفنك صكـــــــر فختايه
للشاعر المبدع نائل المظفر
تحياتي
كــــــوكــــة
الخميس مارس 05, 2009 7:40 am