زلـــــه لســــــــــــــــــان

تتوقع بعدك اني ما اكدر اعيش
لا يا نظر هالعين صدك انت وهمان
صح حبيتك وكتلك انت روحي
بس بدون روحي اعيش فرحان
مغمضة جانت عيونك وبيدي كبرتك
والله دنيا خلتك عليه كبران
علمتك كل معاني الحب وحروفه
بعتهن لغيري وعليك الغدر ما بان
خانتك عيونك واعترفتلي احب غيرك
سالتك ؟؟
كتلي صح واني ما ندمان
تجاوبني بردود اعصاب
وجرأة
ما شايف مثلك جريء بهالزمان
ضيعت نفسك بحب شخص ثاني
بس متلاكي لبحر حبك مثلي سفان
شواطي الحب قليل تلكيلها مرسى
واني متاكد ترجعلي انت غركان
وتتوقعني اني اتلاكاك مكسور وحزين
تلكاني يا حبيبي بشخص ثاني سرحان
اكيد ما تعرف مدرسة اني بدرب العشك
وجنت طالب انت عندي بدرس الحنان
وما تعرف اني سماء للعشاك
وصفيت انت نجم بغيوم الاحزان
وردة اني بيد الناس الي يحبون
وانت بشواك الغدر جرحت انسان
موطن اني للوفى ودولة اخلاص
وانت مو موطن للغدر صرت اوطان
عطر المحبة اني عايش
وللعذاب وهم وجروح انت بستان
برائة العين بيه تكشف الطيبة
من عيونك انت الحقد يشتعل نيران
طبعنا تسامح والي يسامح كريم
وبكلبك رحم ماكو وللحقد انت عنوان
شكد كلت من اوصافك ما كدرت اوصف
لانك للكره صاير جذر واغصان
بعتني واني الي احلامي بدت بيك
وخليت احلامي كلها بعالم نسيان
جنت اظن اني وانت بروح وحدة
جدا اسف بيك توهمت واعترف غلطان
خلص لا ترجع وانت
شخص اشتراك بروحه وللاسف عليك هان
ولو تظن بشوفتك اضعف
صدكني موهم
موهم وانت اخذ مني كلامي برهان
لا تحسب من كتلك احبك
صرت ملكك
لا يا حبيبي اعتذر
ترى جانت
زلة لسان

مــنقول