بعيونك سوالــــــــــــــــف؟؟؟

لان خفت امنكلك تبتعد عني

وضميتك بكلبي وما كلت للناس

ورضيت ابقى بعذابي ولوعتي ووني

بس لشوكت اصبر .., والصبر محدود
حبيتك بروحي وما حجيت وياك

وانت بنظرتك يوميه تكتلني

معروفه اليحب بس الكلب ينطيه

بس انت شلع من عندي ماخذني

على جروح الكلب تتمشه من تفوت

ومن دمعات عيني جفوفك تحني

بعيونك سوالف بيها الف تفسير

وحرت يا نضره منهن بيها تقصدني

اريد تحس عذابي ومثلي كون تعيش

ليش انه الوحيد الشوك ياكلني

وليش انه انهضم واتحمل اللوعات

وانت بكل وكت مرتاح وتغني

لازم تستمعلي وتفتهم مني

اشوفك جوه اشايل من هموم

واشوفك نار كلبي البيك تحركني

وراها بكيفك انت تقرر وتختار

لو تبنيني بيدك لو تفلشني