وداع
اللي تحبه حيل .. ياشين فرقاه .. جربتها وعندي عليها وثايق
أفارقك .. كان السفر يم واشراع.. بعد الفراق اللي نحبه نعافه
لاتعتذر بدموع هذي النهاية .. أبعد وأنا أبعد .. ماورى البعد ترجيح
فرقا جرت لي ماجرت للمحبين .. فرقا كما روحٍ تفارق جسدها
قال الوداع وقلت هذا مكاني .. والله لو طال الزمن .. ما اتعداه
وداعة الله والسلامة تصاحبك.. حلف ما اعقد في وداعك حجاجي
حــــب
الحب لو شانت علينا لياليه .. نصبر وفي سر الغلا مانبوحي
حب الظلام يموت ماعانقه ضي .. كالورد يذبح لانزع منه طينه
أنا أحبك مابها زيف وخداعي .. رغم الذي نخفيه واللي نخافه
الحب قسمه ليتني ماعرفتك .. ليت المشاعر اختفت يوم لقياك
أحبك وصل وبعاد .. أحبك رضا وعناد.. ولا يختلف وعدي .. ولا ينتقض عهدي
والله لو الحب .. يشرى بالأثمان .. لشريه من خبلٍ.. وأحطه بصاحي
وصف
لا تمد ايديك للشعر الحرير .. هز راسك وأرفعه يرجع وراه
أرجفي كنك الماء فزّزته حجره .. واثبتي كنك الضه بعين البخيل
شعرك سواد المسك والوجه فضه .. وسواد عينك مثل ليل الظلامي
الحلا فيها من أقصاها ولا للزين داني .. كل مافيها خلق الله من طلعة محيا
ماشفت عين قبل عينك خذتني .. فيها الحنان اللي على السحر لاق
كل شي بجسمك يفضحه يستره .. فيه حشمة طويل .. وفيه فتنة قصير
الأربعاء يناير 28, 2009 2:46 pm
