أريد ابكي على صدرك
اريد ابكي على صدرك مشتهي النوح
اريد اكَعد اكَبالك واحسب جروح
اريد اوكَف ببابك طير مذبوح
بيَّ نار وهي مو كل نار نار
ابكي ماينزل دمع يطفر شرار
وبعد جوياتك ياليل هاي لسعات النهار
يازمن شلك عليا شبيك دكَاتك كبار
وك نيشنت على الطير اللي بيدي
وذبلت حتى الخضار
ابكي ما ينزل دمع يطفر شرار
أطفى وارد اشتعل
اطفى وارد اشتعل ما اشكي من دنياي
حملي وانا اتكفله ماريد عون وياي
قالولي دربك صعب قلت القدم مشاي
قالولي رمل وشمس قلت انا اصير فياي
رمل الصحاري برد ورمل النهر جواي
محمل قوافل حزن ومحتاجه لحداي
الله يعلم بما سوى الزمان وياي
شفت المصايب شفت بويا يابوياي
اتقطع ولا اون وني يفرح عداي
كلشي يشوف البشر بس لا يدنك هاي
أنا وياك
انا وياك وصفنتي وآخر الليل
نتحاسب عالسهر والهم والهموم
انا وياك ياقلبي وحسرتي واخر الليل
نتحاسب عالسهر والهم والذنوب
مثل آخر سيجارة باخر الليل
نفس نفسين روحي وبيدك تذوب
اصحي من عليك باخر الليل
اذا حتى النفس ثلج بالقلوب
زعلان
زعلان بس يا زعل لمن ترد للصدق
قبل المنادى اجي واركض ركض محترق
وين القى مثلك هوى لولاك والله اختنق
هي شراكة نفس وقلبي ويا قلبك يدق
لو ما وقتنا صعب واحد سكن بالغرب وواحد سكن بالشرق
كل المسافة البعد وسوالفك تنسمع كنا احنا حلق بحلق
عندك ناس
في عندك ناس يعيشوا بلا هم
ووين ماتروح يصيبك بلاهم
وعندك ناس ماتسوى بلاهم
وعندك ناس ياريتك بلاهم
اصنام محركه وتلبس اثياب
لا عزاء
لاعزاء المن اجيتي لاعزاء
الف شكرا للمشاعر والف شكرا للوفاء
طعنتيني بكبريائي وجايه تشوفين دمعي
الف شكرا تستحقين الثناء
لملمي كل الحقائب واخذي كل شي ولا تجيني
لو ردت اضعف واصافح عزتي تقطع يميني
لخاطر الله اتركيني اتركيني
صدمه بيها اختبر نفسي وامشي فوك جروح عمري
الله ينطيني الصبر واطلب من الله العزاء
الليله طفي شموعي كلها راحت ايامي هباء
مابقت عندي ذريعه ومعنى للحب والوفاء
ماريد اشتكي لاحد المعذره يااصدقاء
الليله بيها ابقى بعزلتي ووحدي اتجرع صدمتي
الله ينطيني الصبر واطلب من الله العزاء
السبت يوليو 11, 2009 7:27 am
