شلون تريد اعوفك واني معجب بيك

شلون تريد اعوفك واني معجب بيك

تقبلهه اعوفك؟؟؟ لامامعقوله

شلون تريد اعوفك وانت احله انسان

والشافك تعلق بيك بسهوله

شجابك عليه انت طلعتلي منين

تعب وياك قلبي و خلص مفعوله

معجب بيك اني وانت متريد

كلي شلون اقنعك خلكك شطوله؟؟؟

شسويلك بعد بس كلي شتريد

انه بدونك احس الروح مشلوله

كل حجيك رزن واخلاقك احله اخلاق

وبحسنك جميع الناس مذهوله

شكد رادو احبهم ولهالحظه يردون

و حجو ويه قلبي شكد بجووله

رادوني احبهم وانزل راسي للشوق

و بقه قلبي بمكانه وهمه صعدوله

ادري هي كوه؟؟؟ اني معجب بيك

انه اختاريتك صدك من بين كل ذوله

بس انطيني فرصه انطيك ماي العين

مو قلبي والله لعبت بي جوله




=======================



قصيده بعنوان احبك و ما احب غيرك ماحل







احبك وما احب غيرك محال

اسمك بالكلب وبدمي خطيته

يالون الورد يابو العيون السود

يا اطيب عطر بالدنيه شميته

مجنون بيك اعترف وتدريني كلي جنان

مو بس الكلب انته العقل جنيته

بالك تضن فد يوم انساك

شلون انسه الشفايف بالطعم جكليته

احبك من صدك وهاك اخذ برهان

ويه الروح حبك وبضلوعي شديته

هاك اخذ العمر وهاك اخذ ماي العين

بس عوف الكلب اسمك بيه ضميته

كل هذه وما اظن فد يوم وفيت

حبك علم ولو بيدي على النجم خليته

حبك علم ولو بيدي على النجم خليته






===================


شعر معاتب
مع الدنيا

ليش يا دنيا تعذبيني وياج
انا انسان واحب اتكامل وياج
كافي حزن كافي ظلم كافي
وليش الزمان علي متعافي
فكرت احب اني وكلت اعوض الراح
لكن اجاني سهم وصوبني برماح
عفيه دينا شكتر قداره
اخذت مني المحب وضيعتلي اخباره
يا بشر لا لا تامن بيهه
شكد ما تنطيك لازم تعاديهه
وليش الزمان يدور بينه
الي يحبنه يوم تالي يعادينه
وليش ما تامن للاقرب الناس
يظهرلك بشر وياخذ منك الاحساس





تحياتي .. وتقديري ..

توفي